काठमाडौँ । अनेरास्ववियुका इन्चार्ज किशोरविक्रम मल्ललाई प्रहरीले नियन्त्रणमा लिएको छ । बैंकिङ्ग कसुरको आरोपमा उनलाई नियन्त्रणमा लिइएको जिल्ला प्रहरी परिसर काठमाडौँका एकजना अधिकृतले रातोपाटीलाई बताए । मल्ललाई प्रहरी वृत्त महाराजगञ्जमा राखिएको छ । उनि नेकपा (एमाले)का केन्द्रिय सदस्य समेत हुन् ।

मल्लले दिएको २० लाख ५० हजारको चेक बाउन्स भएपछि पीडितले उनीविरुद्ध बैंकिङ्ग कसुरको जाहेरी दिएका हुन् । मेडिकल काउन्सिलको पूर्व सदस्य समेत रहेका मल्लले अनुसन्धान अधिकृतहरुसँग रकम फिर्ता गरिसकेको दावी गरेका छन् । तर, रकम फिर्ता गरेको बैंक स्टेटमेन्ट हेरेर मात्रै मिलापत्र गराउने वा मुद्धा अघि बढाउनेबारे निर्णय लिइने प्रहरी अधिकृतहरु बताउँछन् ।

Source : ratopati.com