काठमाडौं ।
महान्यायाधिवक्ता रमेश बडालले सम्पत्ति शुद्धीकरण निवारणको सवालमा अपराध हुनै नदिने अवस्थाको सृष्टि गर्ने गरी काम गर्नुपर्ने बताएका छन्।
सोमबार सम्पत्ति शुद्धीकरण निवारण राष्ट्रिय दिवसको अवसरमा आयोजित कार्यक्रममा बोल्दै उनले अपराध हुनै नदिने अवस्थाको सृष्टि कसरी गर्ने भन्ने विषयलाई केन्द्रविन्दुमा राखेर काम गर्नुपर्ने बताएका हुन् ।
उनले भने,‘सम्पत्ति शुद्धीकरण निवारणको कुरा गर्दै गर्दा अपराध हुनै नदिने अवस्थाको सृष्टि कसरी गर्ने त्यो कुरामा हाम्रो अलिकति अभाव भइरहेको छ । र छलफल पनि अलि कम भयो कि त्यसैले त्यहि विषयलाई केन्द्रविन्दुमा राखेर काम गर्नुपर्छ । जति हामी नियमक संस्थाहरु छौं । उनीहरुले आफू माहतका सबै संस्थाले नियमन राम्रोसँग गदिर्नुपर्यो उहाँहरुले गरिराखेको काममा पादर्शिता छ कि छैन त्यसको मनिटर गर्नुपर्यो ।’
साथै उनले सम्पत्ति शुद्धीकरण आफैंमा स्वीकार्य योग्य शब्द भएन कि भन्ने खालको कुराहरु पनि आउने गरेको भन्दै कसूरजन्य सम्पत्तिको शुद्धीकरणलाई निवारण गर्न खोजेको कारण सबै व्यापार व्यवसाय गर्नेहरु यसबाट डराउन नपर्ने बताए ।
त्यस्तै नेपाल राष्ट्र बैंकका गभर्नर महाप्रसाद अधिकारीले पछिल्लो समयमा डिजिटल कारोबारहरु बढेको भन्दै त्योसँगै डिजिटल माध्यमको कारोबारमा प्रशस्त ठगिहरु पनि बढेको बताए ।
उनले भने,‘पछिल्लो समयमा डिजिटल कारोबारहरु त बढ्दै गयो । तर डिजिटल माध्यमको कारोबारमा पनि प्रशस्त ठगिहरु पनि भइरहेको छ । र नयाँ किसिमको इनोभेटिब टेक्नोलोजिको एड्भान्समेन्टको फलस्वरुप आफ्ना सम्पत्तिहरु लगाउने अभ्यासहरु पनि भएको छन् । कुनै पनि काम गर्दा खतराहरु आउँदैन् भन्ने हुँदैन त्यसलाई रोकथाम गर्नमा हामी लाग्नुपर्छ । हामी सबै स्टेक होल्डरले ।’
