२०८१ चैत ७ सन्तोषी रावल । पाँचौं नेपाल जापान न्युरोसर्जरी कन्फरेन्स आजदेखि काठमाडौंमा सुरु भएको छ । यो कन्फरेन्स तीन दिनसम्म सञ्चालन हुनेछ र मुख्यतः फङ्सनल न्युरो सर्जरी वर्कशपमा केन्द्रित रहनेछ ।
कार्यक्रमको उद्घाटनमा नेपालका वरिष्ठ न्युरोसर्जन डा. वसन्त पन्त र जापानका प्रमुख न्युरोसर्जन प्रोफेसर डा. टाकोमी टाईराले मन्तव्य राखेका थिए ।
कन्फरेन्समा जापान, बेल्जियम, चीन, भारत, इन्डोनेसिया, क्यानाडा, इरान र नेपालका न्युरोसर्जन तथा वैज्ञानिकहरूको उपस्थिती रहनेछ । यस कन्फरेन्समा ६० भन्दा बढी वैज्ञानिक कार्यपत्रहरू प्रस्तुत गरिनेछ र साथै ’ह्यान्ड्स अन वर्कशप’ पनि आयोजना गरिने छ ।
नेपालमा अहिले १२० भन्दा बढी न्युरोसर्जन कार्यरत छन् ।
नेपालमा न्युरोसर्जरीको क्षेत्रलाई विशेष माघ्यमा सन् २००६ देखि डा. वसन्त पन्त र डा. रेसा श्रेष्ठ लगायतका न्युरो सर्जनको प्रयासमा पार्किन्सन्स र मानसिक स्वास्थ्य समस्यासम्बन्धी फङ्सनल न्युरोसर्जरीको सुरुवात भएको हो ।
यस कन्फरेन्सले नेपालमा न्युरोसर्जरीको क्षेत्रमा भएको प्रगतिको समीक्षा गर्ने र आगामी विकासका लागि नयाँ दिशा प्रदान गर्ने आशा गरिएको छ ।
