सन्तोषी रावल । पत्रकार महासंघको आयोजनामा बाजुरामा पत्रकार सुरेज रजतको हत्या प्रकरणमा विरोध प्रदर्शन जारी छ । चैत्र १५ गते राजावादी समूहद्वारा गरिएको जुलुसमा एभि न्यूजका पत्रकार सुरेज रजतले रिपोर्टिङका क्रममा राजाबादिको समुहद्वारा लगाइएको आगोमा परेर आफ्नो प्राण गुमाएका थिए ।
यस दुःखद घटनाको विरोधमा बाजुरामा प्रदर्शन गरि कोणसभा गरिएको छ ।पत्रकार महासंघ र प्रेस चौतारी केन्द्रिय कमिटीको अगुवाइमा भएको विरोध सभामा, पत्रकार सुरेजको न्यायको लागि कडा माग राख्दै दोषीलाई कडा कारवाही गर्नुपर्ने आवाज उठाइएको छ ।
पत्रकार महासंघले यस कृत्यलाई केवल एक पत्रकारको हत्या नभएर प्रेसको स्वतन्त्रता र मानवाधिकारको उल्लंघनसमेत भएको ठम्याइएको छ ।
विरोध सभामा सहभागीहरूले पत्रकार सुरेज रजतको न्यायको लागि न्यायिक कारवाही तुरुन्त गरिनु पर्छ भन्ने माग गर्दै उच्च अधिकारीहरूसम्म आफ्नो आवाज पुर्याएका छन् ।
यस्ता घटनाले पत्रकारिता र प्रेसको स्वतन्त्रतामाथि गम्भीर आक्रमण गरेको भन्दै, पत्रकार महासंघले यो मुद्दामा कुनै पनि प्रकारको सम्झौतामा नजाने चेतावनी पनि दिएको छ ।
यस घटनाको विरोध केवल बाजुरामा मात्र नभई, देशभरिका पत्रकार संघ र संस्था हुँदै भइरहेको छ । समग्रमा पत्रकारिता र प्रेसको स्वतन्त्रताको रक्षा गर्नका लागि यो संघर्षलाई निरन्तर जारी राखिने पत्रकार महासंघ बाजुराका उपाअध्यक्ष रमित विकले जानकारी दिएका छन् ।
