हिमालय प्रेस
नेपाल पत्रकार महासंघ केन्द्रिय सर्कुलर अनुसार जिल्ला शाखा बाजुराले पनि चरणवद्ध आन्दोलनमा हिजो ज्ञापन पत्र बुझाएको छ ।
सोमबार अर्थात आन्दोलनको तेस्रो दिन केन्द्रिय सर्कुलर अुनसार नेपाल पत्रकार महासंघ जिल्ला शाखा बाजुराले जिल्ला प्रशासन कार्यालय बाजुरा मार्फत प्रधानमन्त्री तथा नेपाल सरकार गृह मन्त्रालयलाई ध्यानाकर्षण गराएको छ
चैत्र १५ गते काठमाडौंको तिनकुनेमा भएको हिंसात्मक प्रर्दशनका क्रममा अराजक समुहले एभिन्युज टेलिभिजनमा कार्यरत पत्रकार शुरेस रजकको हत्या गरिएको र विभिन्न संचार माध्यामहरु माथी आक्रमण भएको ध्यानाकर्षण गराउर्दै ज्ञापन पत्र बुझाएको नेपाल पत्रकार महासंघ बाजुराका उपाध्य रमित विकले बताएका छन् ।
ज्यान गुमाएका पत्रकारको हत्याबारे गहिरो अनुसन्धान गरि हत्यामा संग्लन सबैलाई फौजदारी कारबाही गर्न तथा उहाँको परिवारलाई क्षेतीपूर्ति दिन,संचार माध्याम र संचारकर्मी माथी आक्रमण गर्ने सबैलाई कानुनी कठघेरामा ल्याउन माग गरिएको छ ।
माग एक साता भित्रै सम्बोधन हुने विश्वसनिय आधार निर्माण गर्न जिल्ला प्रशासन कार्यालय बाजुरा मार्फत नेपाल सरकार संग जोडदार माग गरिएको छ । साथै माग पुरा नभए नेपाल पत्रकार महासंघ सरकार विरुद्ध देशभर आन्दोलनमा उत्रन बाध्य हुने चेताउनी दिएको छ ।
