सन्तोषी रावल
चैत्र १९ – हिमाली गाउँपालिकाका दुर्गम गाउँवासीहरूले लामो समयपछि आँखाको ज्योति पाएपछि खुसीका आँसु झारेका छन् । मोतीविन्दुका कारण आँखाको ज्योति गुमाएका स्थानीय बुढापाका अहिले आफ्नो जीवनमा नयाँ आशा र उज्यालो देख्न सक्ने भएका छन् ।
गाउँका वृद्धवृद्धाहरूको जीवनमा अन्धोपनको सन्देश बोक्दै आएका लामो समयदेखि उनीहरूको आँखामा उज्यालो फर्काउनका लागि हालै निःशुल्क आँखा चेकजाँच शिविर सञ्चालन गरिएको थिया े। आर्थिक अवस्था कमजोर भएका कारण अधिकांश व्यक्तिहरू आफैँ उपचार गराउन असमर्थ थिए, त्यसकारण घरमै अन्धो भएर बस्न बाध्य थिए । यद्यपि, हिमाली गाउँपालिकाको पहलमा, नेपाल रेडक्रस सोसाइटी, सुर्खेत आँखा अस्पतालको प्राविधिक सहयोग र रुइत फाउन्डेसन काठमाडौँको आर्थिक सहयोगमा यस समस्याको समाधानका लागि विशेष शिविर आयोजित गरिएको हिमाली गाउँपालिकाका अध्यक्ष गोविन्द मल्लले जानकारी दिनुभएको छ ।
मल्लका अनुसार गाउँपालिकाका प्रत्यक वडामा आँखा चेकजाँच गर्ने डांक्टर पठाइएको र सामान्य समस्या भएका व्यक्तिलाई त्यहि औसधि दिएर उपचार गराई अप्रेसन गर्नु पर्ने व्यक्तिलाई पालिकाको स्वास्थ्य चौकिमा नै बोलाएर आँखाको अप्रेसन गरेको हो ।
स्थानीय ७० वर्षीय जयसुर भण्डारी, जो मोतीविन्दुका कारण अन्धो भएका थिए, “गाउँमा आएर आँखा देख्न सुरु गर्दा म अत्यन्त खुसी भएको छु । यो अवसर मैले कहिल्यै सोचेको थिइन ँ।“ उनले चैत १० देखि १३ सम्म गाउँका हरेक वडामा सञ्चालन भएका निःशुल्क चेकजाँच शिविरमा भाग लिएका थिए ।
शिविरको सफलतापछि, १०३ जना स्थानीयलाई आँखा अपरेसनका लागि चयन गरिएको थियो । चैत १५ र १६ गते ती सबैको अपरेसन पालिकाको स्वास्थ्य चौकीमा गरिएको थियो । त्यसपछि, ती सबैको आँखा ज्योति फर्किएको र अब उनीहरूको जीवनमा नयाँ प्रकाश आएको प्रमुख प्रशासकीय अधिकृत भण्डारी बताउछन ।
यस घटनाले केवल ग्रामीण क्षेत्रका बुढापाकाको जीवनमा आशा र ऊर्जा थपेको छ, तर स्वास्थ्य सेवामा पहुँच पुर्याउनको लागि यस्तो कार्यक्रमको महत्व पनि प्रकट भएको छ । भविष्यमा यस्ता शिविरहरू अझ बढी विस्तार गरी, सबै मानिसलाई स्वास्थ्य सेवा उपलब्ध गराउने योजनामा रहेको स्थानीय निकायले जनाएको छ ।
आँखाको ज्योति फर्किँदा, यहाँका वृद्धवृद्धाले केवल दृष्टि मात्र पाएका छैनन्, उनीहरूको जीवनमा अपार खुसी र आत्मविश्वास पनि थपिएको छ । यो घटनाले गाउँका अन्य बुढापाकालाई पनि स्वास्थ्य सेवामा पहुँच प्राप्त गर्न उत्साहित बनाएको छ ।