काठमाडौं, २४ चैत ।अफगानिस्तानले नेपाल सामू १६७ रनको लक्ष्य प्रस्तुत गरेको छ । अफगानिस्तान यु १९ टोलीले एकदिवसीय शृंखलाको दोस्रो खेलमा सो लक्ष्य प्रस्तुत गरेका हुन् ।
मुलपानी किकेट मैदान टस जितेर ब्याटिङ रोजेको अफगानिस्तानले निर्धारित ५० ओभरमा सबै विकेट गुमाउँदै १६८ रनको योगफल तयार पारेको हो ।
अफगानिस्तानका लागि कप्तान मोहबुब खानले ११४ बलमा एक चौकाको मद्दतले सर्वाधिक ५८ रनको योगदान दिएका थिए भने रोहुल्लाह अरबले २७, उजाइरुल्लाह नियाजाईले १९, नजिफुल्लाह अमिरीले १६, खतिर स्तानिकजाईले ११ र खालिद अहमदजाईले १० रन बनाएका हुन् ।
नेपालका लागि सन्तोष यादवले ३, सिब्रिन श्रेष्ठ र विपिनशर्माले समान २ तथा अभिषेक तिवारीले १ विकेट लिएका हुन् ।
अफगानिस्तान लगातार दोस्रो जित निकाल्दै शृंखला आफ्नो पक्षमा पार्ने लक्ष्यमा छ । नेपाल शृंखला बराबरी गर्ने सोचमा छ ।
पहिलो खेलमा अफगानिस्तान १३० रनले विजयी भएको थियो ।
