इण्डोनेसियाको पूर्वी जाभा प्रान्तमा विद्यालय भवन भत्किँदा मृत्यु हुनेको संख्या ३७ पुगेको क्षेत्रीय उद्धार अधिकारीहरूले बताएका छन् । पूर्वी जाभा खोज तथा उद्धार कार्यालयका प्रमुख नानाङ सिगिटले कार्यालयद्वारा जारी विज्ञप्तिमा पीडितहरू भग्नावशेषमुनि पुरिएकाले उत्खनन कार्य चुनौतीपूर्ण भएको बताएका छन् । करिव २५ जना अझै बेपत्ता छन् र मृत्यु हुनेको संख्या बढ्ने अनुमान गरिएको छ ।
सिदोआरजो जिल्लाको बहुमंजिला अल खोजिनी इस्लामिक बोर्डिङ स्कूलको एक भाग गत सोमवार अनधिकृत मर्मतसम्भारको क्रममा भत्किएको थियो ।
