सन्तोषी रावल । प्रधानमन्त्री केपी शर्मा ओलीले थाइल्याण्ड भ्रमणको बारेमा संसदलाई जानकारी दिएका छन् ।
सोमबार प्रतिनिधि सभाको बैठकलाई सम्बोधन गर्दै उनले मंगलबार थाइल्याण्डको बैंकक जाने योजना रहेको बताए ।
प्रधानमन्त्री ओलीले ६५ वर्षपछि नेपालका कार्यकारी प्रमुखको रूपमा थाइल्याण्डको भ्रमण गर्न लागेको जानकारी दिएका छन् ।
यस भ्रमणको दौरान, दुइ वटा समझदारी पत्रमा हस्ताक्षर हुने सम्भावना रहेको पनि जानकारी दिएका छन् ।
प्रधानमन्त्री ओली बिमस्टेक शिखर सम्मेलनमा सहभागी हुन थाइल्याण्ड जान लागेका हुन् ।
शिखर सम्मेलन सम्पन्न गरेपछि, प्रधानमन्त्री ओलीको नेतृत्वमा रहेको टोली चैत २३ गते स्वदेश फर्किने योजना तय गरिएको छ ।
