हिमालय प्रेस । जिल्ला अस्पताल बाजुरालाई हरियाली बनाउन ‘ग्रीन गार्डेन’ अभियान थालिएको छ । अस्पताललाई स्वच्छ, सुन्दर र हरियाली बनाउँदै ‘ग्रीन गार्डेन’ का रुपमा विकास गर्न अभियान थालिएको हो ।
अस्पताल परिसरलाई आकर्षक, सुन्दर र हरियाली बनाउन ‘ग्रीन गार्डेन’ अभियान थालेको अस्पतालले जनाएको छ ।
जिल्ला अस्पतालका प्रमुख डाक्टर चन्द्रशेखर यादवले अस्पताल परिसरलाई ‘ग्रीन गार्डेन’ का रुपमा विकास गर्न अहिले वृक्षारोपण भइरहेको बताएका छन् ।
उनका अनुसार सो अभियान मार्फत अस्पताल परिसर भित्र हाल करिब ४ सय बढी विभिन्न किसिमका बिरुवा रोपिएका छन् । त्यस्तै अस्पतालबाट हुने सेवा प्रवाहसँगै अस्पताल परिसरलाई सौन्दर्यता बनाउन विभिन्न व्यक्ति तथा सहयोगी निकायबाट प्राप्त बोटविरुवाहरु रोपिएको कार्यालय प्रमुख डाक्टर यादवले बताए ।
जिल्ला अस्पतालले थालेको सो अभियानबाट उपचारका लागि अस्पतालमा आउने विरामीलाई बाह्य वातावरण अवलोकन गरेर नै आनन्दीत तुल्याउने विश्वास व्यक्त गरिएको छ ।
उसो त हरीयाली बोटविरुवाले मनै चुम्ने छ । अस्पताल परिसरको वातावरणलाई सुन्दर र स्वच्छ हावाकोलागी उपयूक्त हुने भएकाले यो अभियान थालिएको हो ।
