जापानले आफ्नो सबैभन्दा तातो दिन रेकर्ड गरेको छ ।
जलवायु परिवर्तनमा ध्यान केन्द्रित गर्न चरम मौसमको पछिल्लो उदाहरणको रूपमा जापानको बढदो तापक्रमलाई हेर्न सकिन्छ ।
बुधबार टोकियोबाट करिब ५६० किलोमिटर दक्षिणपश्चिममा रहेको ताम्बा सहरमा ४१.२ डिग्री सेल्सियस (१०६.१६ डिग्री फरेनहाइट) तापक्रम रेकर्ड गरिएको हो । जुन अघिल्लो उच्च ४१.१ डिग्री सेल्सियस (१०५.९८ डिग्री फरेनहाइट) लाई उछिन्दै यो रेकर्ड बनाएको हो ।
क्योटो प्रान्तको फुकुचियामा सहरमा पनि ४० डिग्री भन्दा माथिको तापक्रम रेकर्ड गरिएको छ । साथै, मनिवा शहर, ओकायामा प्रान्त र निशिवाकी शहर, ह्योगो प्रान्तको अवस्था पनि यस्तै रहेको छ ।
बुधबार जापानको ४७ प्रिफेक्चर मध्ये ३३ मा हीटस्ट्रोक अलर्ट जारी गरिएको राष्ट्रिय प्रसारक एनएचकेको रिपोर्टमा भनिएको छ। बुधबारको रेकर्ड जापानमा अभूतपूर्व तापक्रम वृद्धिको श्रृंखलामा सबैभन्दा नयाँ हो।
आगलागी तथा प्रकोप व्यवस्थापन एजेन्सीका अनुसार जापानमा गत साता १० हजार ८०० भन्दा बढी मानिसलाई तातो स्ट्रोकका कारण अस्पतालमा पठाइएको थियो, जसमा गर्मीका कारण १६ जनाको मृत्यु भएको थियो।
गत महिना अर्थात जुन पूर्वी एसियाली देशले रेकर्डमा सबैभन्दा तातो महशुश गरेका थिए । औसत राष्ट्रव्यापी तापक्रम सामान्यभन्दा २.३४ डिग्री सेल्सियस (३६.२१ डिग्री फरेनहाइट) बढेको थियो।
खासमा जापानले सन् २०२४ मा अहिलेसम्मकै सबैभन्दा तातो वर्ष अनुभव गर्न सुरू गरेको हो, औसत तापक्रमले लगातार दोस्रो वर्षको रेकर्ड तोडेको स्थानिय सञ्चारमाध्यमले जनाएका छन् ।
