डोल्पा । सत्तारुढ दलहरु मध्येको एउटा प्रमुख पार्टी नेकपा (एमाले)ले ३ महिने वडा तहसम्मको अभियान सुरु गर्न एमाले कर्णालीका इन्चार्ज गोरखबहादुर बोगटी डोल्पा पुग्नु भएकोछ ।

नेकपा (एमाले)ले पार्टी सुधार र विस्तारका लागि संचालन गरेको ३ महिने वडा तहसम्मको अभियान सुरु गर्नका लागि नेकपा (एमाले) कर्णाली प्रदेशका इन्चार्ज गोरख बोगटी आज डोल्पा पुग्नु भएको नेकपा (एमाले) जिल्ला कमिटी डोल्पाका अध्यक्ष लंकबहादुर रोकायाले जानकारी दिनु भयो ।

अभियान सुरु गर्नका लागि आज त्रिपुरासुन्दरी नगरपालिकाको त्रिपुराकोट बगर पुग्नु भएका एमाले कर्णाली प्रदेशका इन्चार्ज बोगटीलाई एमाले नगरकमिटीका पदाधिकारी, एमालेबाट निर्वाचित भएका नगर प्रमुख र नगर उपप्रमुख लगायतका नेता कार्यकर्ताहरुले इन्चार्ज बोगटीको खादा र अबिरले भव्य स्वागत गरेका थिए ।

एमाले डोल्पाका अध्यक्ष रोकायाका अनुसार पर्सी १९ गते शनिवार त्रिपुरासुन्दरी नगरकमिटीको बैठक बसाएर डोल्पामा ३ महिने वडा तहसम्मको अभियान सुरु गर्ने गरी अन्तिम तयारी भएको एमाले डोल्पाले जनाएको छ ।

एमाले केन्द्रिय कमिटीको निर्णय अनुसार संचालन हुने अभियान डोल्पामा त्रिपुरासुन्दरी नगरकमिटीको बैठकबाट सुरु हुने छ । त्यस लगत्तै ठुलीभेरी नगरकमिटीको बैठक २० गते आइतवार राखिएको पनि नेकपा एमाले डोल्पाले जनाएको छ ।

एमाले केन्द्रिय कमिटीले सम्बन्धित वडा कमिटीलाई सक्रिय गराउने गरी त्यस वडा भित्रका स्थानीय तह कमिटी, जिल्ला कमिटी, प्रदेश कमिटी र केन्द्रिय कमिटीमा निर्वाचित भएर तथा मनोनयन भएर काम गरिरहेका नेता कार्यकर्ताहरुलाई वडामै केन्द्रित गरेर सम्बन्धित वडामा पार्टी सुधार र विस्तार कार्य ३ महिनासम्म संचालन हुने र यो अभियान समय भित्र जिम्मेवार नेता कार्यकर्ताहरुको मूल्याङ्कन हुने केन्द्रिय कमिटीले निर्देशनमा जनाएको एमाले डोल्पाका अध्यक्ष रोकायाले बताउनु भयो । उहाँका अनुसार यो अभियान भरी सबै नेता कार्यकर्ताहरु आ आफ्नो वडा स्तरमा गएर पार्टीको काम गर्न यही १४ गते सोमवार बसेको नेकपा(एमाले) जिल्ला कमिटी डोल्पाको दोस्रो पूर्ण बैठकले समेत निर्णय गरी सम्बन्धित वडा केन्द्रित भएर पार्टी अभियानमा लाग्न सम्बन्धित सबै नेता कार्यकर्ताहरुलाई खटाउने निर्णय भएको र सोही अनुसार सबै लाग्न समेत अनुरोध गर्दछु एमाले डोल्पाका अध्यक्ष रोकायाले भन्नु भयो ।

source : himalisuskera.com