सन्तोषी रावल
बाजुरा, चैत्र १८, २०८१ – नेकपा एमाले बाजुराले जिल्लास्तरीय जनजागरण अभियानका क्रममा शक्ति प्रदर्शन गरेको छ ।
मोटरसाइकल ¥याली र देउडा कार्यक्रमसहित विभिन्न गतिविधिहरू सम्पन्न गरिएको हो ।
कार्यक्रमको सुरुमा, सदरमुकाम मार्तडीको तुफान डाडाबाट ¥याली निकालेर खुलामञ्चमा कोडसभा आयोजना गरिएको थियो।
कार्यक्रममा नेकपा एमालेका केन्द्रीय सदस्य तथा बाजुरा जिल्ला ईन्र्चाज लाल बहादुर थापा, केन्द्रीय सदस्य सहदेव बोगटी, नेकपा एमाले सुदुरपश्चिम प्रदेश कमिटि उपाअध्यक्ष कालीबहादुर शाही, नेकपा एमाले जिल्ला कमिटि बाजुराका उपाअध्यक्ष जनक कुमार बोहरा लगायत नेताहरूले मन्तव्य राखेको नेकपा एमाले पार्टी सचिव काँशी विकले बताएका छन् ।
नेताहरूले संघीय लोकतान्त्रिक गणतन्त्रको पक्षमा एमालेको अडान दोहोर्याउँदै गणतन्त्रको रक्षाका लागि सबै कार्यकर्ता र जनतालाई एकजुट हुन आग्रह गरे।
थापाले गणतन्त्रको विरोध गर्ने तत्वहरूको कडा विरोध गर्दै, कुनै पनि असंवैधानिक प्रयासलाई असफल बनाउने चेतावनी दिए ।कार्यक्रममा देउडा तथा कविता मार्फत गणतन्त्रको रक्षाको महत्व र राजाबादीहरूको विरोधमा सन्देश दिइएको थियो ।
पार्टीले केन्द्रको निर्देशन अनुसार, नेपाली जनताको त्याग र बलिदानबाट प्राप्त लोकतन्त्रको रक्षा गर्न जनजागरण अभियान चलाएको जनाएको छ ।
यस कार्यक्रमले जनतालाई लोकतन्त्र र संविधानको रक्षा गर्न एकजुट हुन आह्वान गरेको छ ।
