सन्तोषी रावल
हिमालय प्रेस,चैत्र,१८
बाजुरा क्याम्पसको स्वतन्त्र विद्यार्थी युनियन (स्ववियु) सभापतिमा अनेरास्ववियुका उम्मेदवार लक्ष्मण रोकाया निर्विरोध निर्वाचित भएका छन्।
आजको मनोनयन दर्तामा सबै विद्यार्थी संगठनहरूको सहमतिका कारण चुनावी प्रक्रिया बिना नै उनी सभापति पदमा चयन भएका हुन् ।
नयाँ नेतृत्वमा तिलकराज उपाध्याय (नेविसंघ) उपसभापति, बल बहादुर खड्का (नेविसंघ) सचिव, आसिस रावत (अजेरेस्ववियु) सहसचिव, र सुनिता हमाल (कोसा) कोषाध्यक्षका रूपमा चयन भएका छन्।
सदस्य पदका लागि अनेरास्ववियुबाट दल मल्ल, मिना रावत, स्वनिसा शाहि, पासाङ भन्डारी, र दिपक वडुवाल चयन भएका छन्।
त्यस्तै, नेविसंघबाट गणेश तिमिल्सेना, उमेस कार्की, र गौरा कुमारी सेजुवाल सदस्य पदमा चयन भएका छन्। अखिल क्रान्तिकारीबाट बसन्ती बुढा र वेला कुमारी विक पनि सदस्य पदमा निर्वाचित भएका छन ।
नयाँ सभापति लक्ष्मण रोकायाले क्याम्पसमा भएका गतिविधि र शैक्षिक समस्याहरूलाई प्राथमिकताका साथ उठान गर्ने बताएका छन् ।
