सन्तोषी रावल
बाजुराको सदरमुकाम मार्तडीमा रहेको बाजुरा क्याम्पसको स्वतन्त्र बिद्यार्थी युनियन (स्ववियु) निर्वाचन २०८१ बाट निर्वाचित सम्पुर्ण पदाधिकारीहरुलाई बधाई शुभकामना कार्यक्रमको आयोजना गरिएको छ । बाजुरा क्याम्पसको आयोजनामा बधाई शुभकामना कार्यक्रम गरिएको हो ।
सुदुरपश्चिम बिश्वबिद्यालय अन्तरगत आंगिक क्याम्पस बाजुरा क्याम्पस मार्तडी बाजुरामा स्ववियु निर्वाचनबाट सर्वसम्मत भएका सम्पुर्ण कार्य समितिहरुलाई बधाईका साथ शुभकामना दिईएको बाजुरा क्याम्पसले जनाएको छ ।
बुधबार बाजुरा क्याम्पसको हलमा एक औंपचारीक कार्यक्रमका बिच नयाँ कार्यसमिति पदाधिकारीलाई बधाई तथा शुभकामना कार्यक्रमको आयोजना गरिएको बाजुरा क्याम्पसका क्याम्पस प्रमुख रुपक रौलेले बताएका छन । नयाँ कार्य समिति पदाधिकारी सम्पुर्णलाई निर्वाचन समिति संयोजक स्ववियु निर्वाचन समिति संयोजक सुरेश पण्डितले पद तथा गोपनियताको सपथ ग्रहण गराएका थिए ।
स्ववियु निर्वाचनको लागी २७ गते मतदान हुन पुर्व अगावै क्याम्पसमा सर्वसम्मत नेतृत्व चयन गरिएको हो । लक्ष्मण रोकाया अध्यक्ष रहने गरि नयाँ नेतृत्व सर्वसम्मत चयन गरिएको छ । जसको उपाअध्यक्ष नेविसंघका तिलकराज उपाध्याय,सचिवमा नेविसंघका बल बहादुर खड्का,सह–सचिवमा आशिष रावत,कोषाअध्यक्षमा सुनिता हमाल रहने गरि नयाँ नेतृत्वलाई सर्वसम्मत गरिएको थियो।
क्याम्पस प्रमुख रुप बहादुर रौलेको अध्यक्षतामा सञ्चालन भएको बधाई तथा शुभकामना कार्यक्रमको प्रमुख अतिथि बडीमालिका नगरपालिकाका नगर प्रमुख अमर खड्का रहेका थिए । त्यस्तै कार्यक्रममा नेकपा एमाले जिल्ला कमिटि अध्यक्ष लाल बहादुर ओली, नेपाली काङ्ग्रेस बाजुराका उप–सभापति पदम बडुवाल लगायत विशिष्ट अतिथि रहेका थिए ।
क्याम्पस स्ववियु निर्वाचन समिति संयोजक तथा पुर्व क्याम्पस प्रमुख सुरेश प्रशाद पण्डितले स्वागत मन्तब्य मार्फत अतिथिको स्वागत गरिएको सो कार्यक्रमको संचालन क्याम्पस प्राध्यापक भिम बिष्टले गरेका थिए ।