काठमाडौं । नेकपा (एमाले)का अध्यक्ष तथा प्रधानमन्त्री केपी शर्मा ओलीले कर्णालीबाट प्रतिनिधित्व गर्ने केन्द्रीय सदस्यहरुलाई पार्टी निर्माणमा एकताबद्ध भएर लाग्न निर्देशन दिनु भएको छ ।
शनिबार साँझ प्रधानमन्त्री निवास वालुवाटारमा लामो छलफलमा अध्यक्ष ओलीले कर्णालीबाट केन्द्रमा प्रतिनिधित्व गर्ने सबै केन्द्रीय सदस्यहरुलाई यस्तो निर्देशन दिनु भएको हो ।
‘सिंगो एमाले पार्टी र हामी पार्टीका नेताहरु संघर्षपूर्ण इतिहासमा ठूला–ठूला आँधीबेहरी र तुफानको सामाना गरेर अहिलेको अवस्थासम्म आइपुगेका हौं’ बैठकमा प्रधानमन्त्री समेत हरनु भएका अध्यक्ष ओलीले भन्नुभयो, ‘अहिले बाहिर देखिएको यो त सानो हावाको झोक्का हो । सामान्य रुपमा समाधान हुन्छ । तपाईहरु यसमा अल्मलिनु भन्दा आ–आप्mनो जिम्मेवारीमा रहेको भूगोल र क्षेत्रको पार्टी निर्माणमा एकताबद्ध भएर लाग्नुहोस् ।’
राष्ट्रिय राजनीतिमा पार्टीले पछिल्लो समय लिएको नीति र देश विकासमा पार्टी नेतृत्वमा गठन भएको सरकारले गरेका लोकप्रीय कामहरु देखेर अत्तालिएका शत्तिहरुकै कारण पार्टी भित्र अस्थिरताको हावा चलाएको उल्लेख गर्नु भएका अध्यक्ष ओलीले त्यसको लहडमा सम्मानित व्यक्तित्व लाग्नु सिंगो एमालेका लागि दुःखत कुरा भएको बताउनु भएको बैठकमा सहभागि एमाले स्थायी कमिटि सदस्य तथा कर्णाली प्रदेश इन्चार्ज गोरख बहादुर बोगटीले जानकारी दिनुभयो ।
‘पार्टीको महत्वपूर्ण जिम्मेवारी देखि सिंगो देशकै अविभावकका रुपमा एमालेले स्थापित गरेकी महामहिम पुर्वराष्ट्रपति ज्यूले पछिल्लो समय जुन निर्णय लिनु भएको छ, त्यो हामी (एमाले)ले कल्पना पनि गरेका थिएनौं’, उहाँले थप्नुभयो, ‘लामो समय जारी राजनीतिक संघर्षको उपलब्धी ९संघीय लोकतान्त्रीक गणतन्त्र०को प्रतिमाका रुपमा रहनु पर्ने व्यक्तिले एउटा सदस्यताका विषयमा गरेको बखेडाले स्वयम् उहाँकै कद घटाउने काम गरेको छ ।’
देशकै अविभावक बन्नु पर्ने व्यक्तिले पार्टी सदस्यता नविकरणसँग पार्टी अध्यक्षको पदमा आँखा गाडिएकै कारण नवौ केन्द्रीय कमिटि मार्फत एमाले पछिल्लो निर्णयमा पुग्नु परेको बताउनु भएका अध्यक्ष ओलीले कर्णालीका दशवटै जिल्ला र सबै स्थानीय तहमा पार्टीलाई पहिलो शक्तिका रुपमा स्थापित गर्न एक शुत्रिय अर्जुन दृष्टिका साथ लाग्न निर्देशन दिनुभयो ।
बैठकमा एमाले कर्णालीका नेताहरुले पार्टी अध्यक्ष ओलीसमक्ष कर्णालीको संगठन र समृद्ध कर्णाली निर्माणमा सरकारले तय गर्नुपर्ने प्राथमिकताका विविध विषयवस्तुहरु राख्नु भएको एमाले कर्णाली इन्चार्ज बोगटीले जानकारी दिनुभयो ।
पार्टीको केन्द्रीय कमिटिमा कर्णालीबाट प्रतिनिधित्व गर्ने अधिकांश नेताहरुको उपस्थिती रहेको बैठकको संयोजन प्रदेश इन्चार्ज गोरखबहादुर बोगटीले गर्नु भएको थियो ।
