काठमाडौं, २२ साउन । प्रतिनिधिसभा अन्तर्गतको अन्तराष्ट्रिय सम्बन्ध र पयर्टन समितिले आज पशुपतिनाथ परिसरको अनुगमन गरेको छ।
समितिका सभापति राजकिशोर यादवको नेतृत्वमा समितिका सदस्यसहितको टोलीले पशुपति क्षेत्र विकास कोष तथा मन्दिर क्षेत्रको समग्र अवस्थाबारे अनुगमन गरेको हो ।
संसदीय समितिले मन्दिरका मुल पुजारी भट्टसँग पनि आवश्यक जानकारी लिएको थियो । संसदीय समितिले मन्दिर परिसरका पूर्वाधार, व्यवस्थापन, स्वच्छता तथा पर्यटनमैत्री वातावरणका विषयमा चासो र जानकारी राखेका थिए ।
छलफलका क्रमममा पशुपति क्षेत्र विकास कोषले कोषको विकास, धार्मिक पर्यटकको सुविधा, सुरक्षा व्यवस्थापन र पूर्वाधार सुदृढीकरणका विषयमा विशेष ध्यान दिनुपर्ने औँल्याइएको तथा यहाँका समस्याको समाधानका लागि राज्यकातर्फबाट थप सहयोग आवश्यक रहेको धारणा बिकास कोषका कर्मचारीहरूले राखेका थिए
निरीक्षण पश्चात् समितिले निकट भविष्यमा पशुपति क्षेत्रको सुधार तथा विकासका लागि आवश्यक निर्देशन र सिफारिस गर्ने प्रतिबद्धता जनाएको समितिका सभापति यादवले जानकारि दिए। अवलोकनमा सांसदहरु उदय शम्शेर राणा, एकनाथ ढकाल, प्रेम सुवाल, नारायणप्रकाश साउद, दामोदर पौडेल वैरागी लगायतको सहभागिता रहेको पशुपति क्षेत्र विकास कोषले जनाएको छ।
