सुर्खेत। कर्णाली प्रदेश सरकारबाट नेकपा एमाले बाहिरिएको छ।
आर्थिक मामिला तथा योजना मन्त्री विनोदकुमार शाह, सामाजिक विकास मन्त्री टेकराज पछाई र उद्योग, पर्यटन, वन तथा वातावरण मन्त्री जीतबहादुर मल्लले मुख्यमन्त्री राजकुमार शर्मालाई भेटेर आइतबार सामूहिक राजीनामा बुझाएका हुन्।
संघमा गत पुस १० को गठबन्धन टुटे पनि कर्णाली प्रदेशमा भने नेकपा एमाले ३ मन्त्रालयको जिम्मेवारीसहित चैत २६ गते (आजसम्म) सरकारमा रहेको थियो।
गत १७ चैतमा प्रमुख प्रतिपक्षको भूमिकामा रहेको कांग्रेसले केन्द्रीय गठबन्धन अनुसार नै अघि बढ्ने उद्देश्यसहित सरकारलाई विश्वासको मत दिएको थियो।