काठमाडौँ । राष्ट्रपति निवास शितल निवासमा सुशीला कार्कीलाई अन्तरिम सरकारको प्रधानमन्त्रीको शपथ खुवाउने तयारी भएको छ ।
कार्कीको शपथ कार्यक्रममा सहभागी हुन अहिले शितल निवासमा कुटनीतिक नियोगका प्रमुख र अन्य अतिथि पुग्नेक्रम जारी रहेको छ ।
राष्ट्रपति रामचन्द्र पौडेलले जेनजीको मागअनुसार सुशीला कार्कीलाई अन्तरिम मन्त्रिपरिषद्को प्रधानमन्त्रीको रूपमा नेतृत्व गर्ने गरी नियुक्त गरेका हुन् ।
कार्कीलाई प्रधानमन्त्री बनाउन राष्ट्रपतिले संविधानको धारा ६१ लाई टेकेका छन् । उक्त धाराको उपधारा (४) मा राष्ट्रपतिले नेपालको राष्ट्रिय एकताको प्रवर्द्धन गर्ने, संविधानको पालन र संरक्षण गर्नु राष्ट्रपतिको प्रमुख कर्तव्य हुने उल्लेख छ । त्यस्तै उपधारा (३) मा राष्ट्रपतिले नेपालको राष्ट्रिय एकताको प्रवर्द्धन गर्ने भनिएको छ ।
