काठमाडौं । नेपाली कांग्रेसको केन्द्रीय कार्यसम्पादन समितिको बैठक शुरु भएको छ । केन्द्रीय कार्यालय सानोपामा बैठक जारी रहेको छ ।
बैठकमा जेनजी आन्दोलनपछिको राजनीतिक घटनाक्रम, आगजनी भएको पार्टी कार्यालयको पुनर्निर्माण लगायतका विषयमा छलफल भइरहेको बताइएको छ ।
सभापति शेरबहादुर देउवा आन्दोलनकारीको आक्रमणबाट घाइते भएर उपचाररत रहेको अवस्थामा उपसभापति पूर्णबहादुर खड्काको नेतृत्वमा बैठक चलिरहेको छ ।
कांग्रेसले अन्तरिम सरकारको समर्थन गरेपनि संसद विघटन संबिधान विपरित भएको बताएको छ ।
