काठमाडौं । सत्तापक्षीय गठबन्धनद्वारा गठित राष्ट्रियसभा निर्वाचन केन्द्रीय समन्वय समितिले मतदाताहरुसँग गठबन्धनका उम्मेदवारहरुको पक्षमा मतदान गर्नकालागि गठबन्धन दलका शीर्ष नेताहरुलाई संयुक्त वक्तव्य जारी गर्न अनुरोध गर्ने निर्णग गरेको छ ।
शनिबार नेपाली कांग्रेसका प्रमुख सचेत रमेश लेखको संयोजकतवमा बसेको समन्वय समितिको बैठकले यस्तो निर्णय गरेको हो । त्यस्तै, बैठकले राष्ट्रिय सभा निर्वाचन केन्द्रीय समन्वय समितिको सचिवमा अधिवक्ता केशवराज जोशीलाई चयन गर्दै मतदातालाई चुनाव प्रचारप्रसारदेखि मतगणनासम्म खटिन निर्देश दिने निर्णय गरेको छ ।
अगामि माघ ११ गते हुने राष्ट्रियसभा निर्वाचनमा१९ सदस्य पदका लागि गठबन्धन दलहरू कांग्रेसबाट १०, माओवादी केन्द्रबाट ६, एकीकृत समाजवादीबाट २ र जसपाबाट एक जनाले उम्मेदवारी दिएका छन् ।
